Қазақстан халқы Ассамблеясы мүшелерінің мемлекеттік органдар өкілдерімен кездесулері жалғасуда.
Бұл жолы активтің Еңбек және әлеуметтік қорғау министрі Светлана Жақыповамен кездесуі өтті.
Мемлекетіміздің қарқынды дамуында еңбек және әлеуметтік қорғау жүйесі маңызды рөл атқарады. Бұл мәселеге Мемлекет басшысы Қасым-Жомарт Тоқаев та ерекше мән береді. Достық үйінде өткен бүгінгі жиналыста ҚХА мүшелері әлеуметтік сала бойынша өзекті сұрақтарын министрге тікелей қойып, әр мәселе бойынша жан-жақты жауаптар алды.
