АСТАНАДА РЕСПУБЛИКА КҮНІНЕ АРНАЛҒАН КОНЦЕРТ АНШЛАГПЕН ӨТТІ

Бүгін «Жастар» сарайында Республика күніне орай Астана қаласы әкімдігінің қолдауымен «Вайнах» шешен-ингуш ансамблі ұйымдастырған мерекелік концерт өтті.
Мерекеге Ингушетиядан келген жұлдыздар, мемлекеттік органдардың, этномәдени бірлестіктердің мүшелері, зиялы қауым өкілдері, жастар мен елорда тұрғындары қатысты.
Ингушетия жұлдыздарының қатысуы елорда тұрғындары мен қонақтарына арналған сахнадағы кешкі концерттің эксклюзиві болды. «Евровидение» балалар байқауының финалистері, «Кавказдың алтын дауысы» халықаралық байқауының лауреаттары – Лема Нальгиева, Ингушетияның еңбек сіңірген әртісі, Мемлекеттік филармонияның солисі Хава Евлоева, сондай-ақ қазақстандық әртіс Ислам Музаев өнер көрсетті.
Шешен-ингуш этномәдени бірлестігінің құрметті төрағасы және елордалық Ассамблеяның ақсақалы Салман Героев көрермендерге құттықтау сөз сөйледі. Ол қазақстандықтарды Республика күнімен құттықтап, Тәуелсіз Қазақстанның дамуының іргелі негіздері туралы атап өтті.
Бұдан әрі сөз «Вайнах» шешен-ингуш этномәдени бірлестігінің төрағасы Башир Солсановқа берілді:
– «Бірінші кезекте, Қазақстан азаматтарын Республика күнімен құттықтағым келеді. Осындай мерекенің арқасында біздің бейбітшілік пен қоғамдық келісім саясатымыз бүкіл әлемге танылды. Бізге әлемдік көшбасшылар келеді, Азиядағы өзара іс-қимыл және сенім шаралары жөніндегі кеңестің VI саммиті, ТМД мемлекеттері Басшылары Кеңесінің отырысы және «Орталық Азия–Ресей» форумы өтті. Сонымен қатар біз бұл мерекені бізбен бөліскен Ингушетиядан келген қонақтарға алғысымызды білдіргіміз келеді”.
Сахна артындағы жұмыс және кешкі концерт бағдарламасы туралы «Вайнах» шешен-ингуш ансамблінің жетекшісі Ханифа Мациева айтып берді:
– «Биылғы мерекелік концертіміз бұрынғыдан өзгеше, ол екі бөлімнен тұрады: бірінші бөлімде ресми бағдарлама ұсынылады, ал екінші бөлімде Жастар залда билеуге мүмкіндік алады, сонымен қатар біз екі жаңа ән дайындадық. Әрине, біз Ингушетиядан келген жұлдыздармен бір сахнада бірінші рет өнер көрсеткенімізге өте қуаныштымыз. Біздің жастар оларды өте жақсы біледі, тыңдайды және біз өзіміздің «Вайнах» ансамблінің репертуарында әндерін орындаймыз».

Осы кеште көрермендерге үш сағаттық бағдарлама ұсынылды, би, сондай-ақ қазақ, орыс, шешен, ингуш тілдерінде вокалдық нөмірлер орындалды.
Әртістердің түрлі-түсті жарқын костюмдермен ритмикалық отты музыкамен шығуын көрермендер қошеметпен қарсы алды. Үлкен және орта топтың орындауында қыздар биі, отты лезгинка, Вайнах мерекелік биі орындалды. «Вайнах» шешен-ингуш ансамблінің концертін Астанада аншлаг жинады.
Кештің тосын сыйы «Кавказдың алтын дауысы» халықаралық байқауының лауреаты Лема Нальгиеваның жеке қойылымы болды. Арнайы қонақтар үшін ол әнді қазақ тілінде орындады. Кештің соңғы финалы «Біз – Ұлы дала балаларымыз» әні орындалды.
Естеріңізге сала кетейік, елордалық Ассамблеяда «Вайнах» шешен-ингуш этномәдени орталығы ең көне және көптеген орталықтардың бірі болып табылады.
«Вайнах» шешен-ингуш ансамблі екі рет «Халық» атағын жеңіп алғанын атап өткен жөн. Әр түрлі жастағы ансамбль тәрбиеленушілері өз этносының дәстүрлерін ұқыпты сақтай отырып, көп этникалық Ассамблеяда құрдастарымен және достарымен би дағдыларымен бөліседі.