(KAZ) Достық үйінде этносаралық келісім саясатын іске асыру қағидаттарын оқыту бойынша семинар-тренинг өтуде

Sorry, this entry is only available in KAZ and RUS.

Қалалық Достық үйінде Астана қаласы Қазақстан халқы Ассамблеясының ұйымдастыруымен этносаралық келісім саясатын іске асыру қағидаттарын оқыту бойынша мемлекеттік қызметкерлерге арналған екі күндік семинар-тренингтің бірінші күні өтті. Мемлекет басшысы Қасым-Жомарт Тоқаевтың Қазақстан халқы Ассамблеясының XXXIII сессиясында берген тапсырмаларын іске асыру аясында өткізілетін іс –шараның басты мақсаты – елімізде қоғамдық келісімді қамтамасыз етуде медиация институтын дамыту, қоғамда құқықтық мәдениетті қалыптастыруға, мемлекеттік органдар мен азаматтық қоғам институттарының медиация саласындағы өзара іс-қимыл тетіктерін қарастыру және ҚХА шеңберіндегі медиация тәжірибесін жетілдіру.

Спикер ретінде сөз сөйлеген Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин іс-шараның маңыздылығына тоқталып, аталмыш саладағы қызықты ақпаратпен бөлісті. Өз кезегінде ҚХА Республикалық медиация кеңесінің төрағасы Шерзод Пулатов «Елдесу және татуласу» жобасы жайлы баяндап берді.

Семинар – тренингтің бірінші күні тыңдаушылар алған білімдерін практикалық тұрғыда қолдануды үйреніп, кәсіби медиаторлар дайындаған кейстерді шешудің түрлі жолдарын қарастырды. Жалпы іс-шараға 50 мемлекеттік қызметші қатысуда Айта кетейік, аталмыш жоба келесі жылдары да жалғасын таппақ.

https://www.instagram.com/p/DA8dtCGswa6/?utm_source=ig_web_copy_link&igsh=MzRlODBiNWFlZA&img_index=1