(KAZ) Елордалық Ассамблея мүшелері Алғыс айту күніне орай қайырымдылық акциясын өткізді

Sorry, this entry is only available in KAZ and RUS.

Астана қаласының Қазақстан халқы Ассамблеясы Алғыс айту күніне орай «Шарапат» әлеуметтік қызмет көрсету орталығында қайырымдылық акциясын ұйымдастырды.

Акцияның мақсаты – халықтың әлеуметтік осал тобына қамқорлық жасап, Алғыс айту мерекесін атап өту аясында көңіл бөлу.

Мерекелік іс-шара барысында мекеме қонақтарына ұлттық тағамдармен мерекелік дастархан жайылып, этномәдени бірлестіктердің шығармашылық және би ұжымдарының қатысуымен концерттік бағдарлама ұсынылды.

Айта кету керек, мекемеде 300-ден астам жалғызбасты қарттар мен мүмкіндігі шектеулі жандар тұрады. Сонымен қатар орталықта 10-нан астам түрлі ұлт өкілдері қызмет алуда. Олар украиндар, орыстар, белорустар, немістер, татарлар, ингуштар, башқұрттар және т.б.