(KAZ) ЕЛОРДАЛЫҚ ДОСТЫҚ ҮЙІНДЕ ҚХА КӘСІПКЕРЛЕР ҚАУЫМДАСТЫҒЫ ӘЗІРБАЙЖАН ДЕЛЕГАЦИЯСЫМЕН КЕЗДЕСТІ
Sorry, this entry is only available in KAZ and RUS.
Бүгін елордалық Достық үйінде Қазақстан халқы Ассамблеясының кәсіпкерлер қауымдастығы Әзірбайжан делегациясымен бейресми кездесті.
Ең алдымен делегация елордалық Ассамблеяның тарихымен, этномәдени орталықтардың қызметімен, қолөнер және экспонаттармен, елорда этностарының тұрмыстық бұйымдарымен танысты.
Кездесудің негізгі мақсаты ынтымақтастықты жолға қою және болашақта бірлескен іс-шараларды ұйымдастыру болып табылады.
«Біз 15 жыл бойы Қазақстанмен тығыз байланыстамыз: мұнай-газ және басқа да салаларда. Біздің Caspian Service клубымыздың мүшелерінің бірі Қазақстанда Әзірбайжанның сауда үйін, DOLMA Әзірбайжан асханасының мейрамханасын құрды. Тоқсанына бір рет компанияларды әр түрлі тақырыптар бойынша: агроөнеркәсіптік, көлік, құрылыс және басқа секторлар бойынша әкелуді жоспарлап отырмыз. Компаниялар Қазақстандағы бизнесті дамыту мүмкіндіктері туралы білуі керек. Сондай-ақ Қазақстан кәсіпкерлері үшін бизнес-турлар өткізуге дайынбыз. Каспий теңізі бізді біріктіреді және біз одан да белсенді және нәтижелі болу үшін позицияларды күшейтуіміз керек. Менің ойымша, біздің елдеріміздің президенттерінің жылы қарым-қатынастарына теңесіп, ынтымақтастықты жалғастыруымыз керек», – деп атап өтті «Caspian Energy Club» төрағасы және бас атқарушы директоры Тельман Алиев.
Кездесу барысында кәсіпкерлер үшін тәжірибе алмасуға, өз идеяларын ұсынуға, пайдалы байланыстар жасауға, қауымдастық, оның жұмыс бағыттары туралы ақпарат алуға, бизнесті дамытудың өзекті мәселелерін талқылауға және Қауымдастық мүшесі болуға тамаша мүмкіндік болды.
«Қазақстан мен Әзірбайжан кәсіпкерлік, шағын және орта бизнес саласындағы ынтымақтастыққа мүдделі. Тәжірибе алмасудың арқасында біз тарихи өткенде де, қазіргі уақытта да ортақ нәрселер бар екенін түсіндік. Біз бұл ынтымақтастықты жалғастырамыз және Қазақстанда да, Әзірбайжанда да ынтымақтастыққа белсенді қатысамыз», – деді Қазақстан халқы Ассамблеясы кәсіпкерлер қауымдастығының президенті Қайрат Айтбай.
Кездесу соңында Қазақстан мен Әзірбайжан арасындағы инвестициялық компаниялар Қазақстан халқы Ассамблеясының кәсіпкерлер қауымдастығы аясында бірлесіп жұмыс істеуге уағдаласты.
