Астана қаласының Достық үйінде Қазақстан халқы Ассамблеясы мен Қырғызстан халқы Ассамблеясының кездесуі өтті.

Іс-шараға Қазақстан халқы Ассамблеясы Төрағасының орынбасары – ҚХА Хатшылығының меңгерушісі Марат Әзілханов, Қырғызстан халқы Ассамблеясы Кеңесінің төрағасы Алмамбет Матубраимов, ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, сондай-ақ ҚХА қоғамдық құрылымдары мен Қырғызстан халқы Ассамблеясының өкілдері қатысты.

Алқалы жиында тараптар бірлескен жобаларды іске асыру, ынтымақтастық, тәжірибе алмасу және жастарды достық қарым- қатынасты одан әрі нығайту жұмысына тарту мәселелері талқыланды.

Кездесу қортындысы бойынша Қазақстан халқы Ассамблеясы мен Қырғызстан халқы Ассамблеясының ынтымақтастығы туралы келісімге қол қойылды.

https://www.instagram.com/p/C_u_d3asuqK/?utm_source=ig_web_copy_link&igsh=MzRlODBiNWFlZA&img_index=5