Блогерлік – қоғамдық пікірді қалыптастырудың құралы
Бүгін елордалық Достық үйінде Астана қаласының Қазақстан халқы Ассамблеясының ұйымдасытыруымен «Блогерлік – қоғамдық пікірді қалыптастырудың құралы» атты дөңгелек үстел өтті.
Астана қаласы Ішкі саясат басқармасының басшысы – дөңгелек үстел модераторы Дәурен Бабамұратов бүгінде медиа алаңының маңызды рөлі іргелі істер мен оң өзгерістерді оқырмандарға дер кезінде және объективті түрде жеткізіп, мәселенің мәнін терең түсіндіретін, халық пен билік арасындағы алтын көпір болып саналатынын айта отырып, блог сферасына кеңірек тоқталып өтті.
Блог жүргізу – тез танымал болып келе жатқан жаңа кәсіптің бірі.
Блогтарды оқиды және қарайды, сондықтан олар қажет. Астана қаласының Қазақстан халқы Ассамблеясының жастары да бұл үдерістен тыс қалмайтыны қуантады. Елордалық ҚХА қызметінің әлеуметтік желілерде кеңінен жариялануының арқасында бұл туралы көбірек адамдар біле бастады. Бүгінгі таңда қалалық Қазақстан халқы Ассамблеясының парақшалары мен аккаунттарының жазылушылары атынан мыңдаған аудитория бар. Мемлекет басшысы Қ.К. Тоқаевтың жаңа Қазақстанды құру қажеттілігі туралы тапсырмаларын іске асыру аясында идеология саласындағы мемлекеттік саясаттың негізгі бағыттарын түсіндіру үшін жаңа тұлғалар қажет. Бұл қазіргі шындықтың талабы. Жоғары ақпараттық технологиялардың даму дәуірінде халық арасында идеологиялық жұмысты түсіндірудің рөлі едәуір артады. Тәжірибе көрсеткендей, қазіргі қоғам дәстүрлі бұқаралық ақпарат құралдарына қарағанда әлеуметтік желілерге көбірек сенеді.
Дей тұрғанмен, бұл блогерлерге таратылатын ақпараттың сенімділігі үшін қосымша жауапкершілік береді. Қоғамдық-саяси тұрақтылықты сақтау мақсатында қатысушылардың көпшілігі этносаралық келісім және толеранттылық саласындағы мемлекеттік саясатты түсіндірудің маңыздылығын түсінуде мемлекеттік органдар мен блогерлік қоғамдастықтардың бірлігі қажет, – деді Ішкі саясат басқарамасының басшысы Дәурен Әбутәліпұлы.
ҚР Парламенті Мәжілісінің депутаты Юрий Ли өз сөзінде: «Қазіргі заманда ашықтық талабы өте жоғары. Бірақ соған сай нақты, тексерілген ақпаратты шығару блогерлер үшін өте маңызды деп білемін».
Дөңгелек үстел жұмысына халық дипломаты, АҚШ-тағы Ресейлік отандастар ұйымы үйлестіру кеңесінің мүшесі, блогер, PR-менеджер Номма Зарубина, Астана қаласы әкімінің штаттан тыс кеңесшісі, Қазақстандық агро және ауылдық туризм қауымдастығының қоғаммен байланыс жөніндегі директоры, блогер Максим Николайчук қатысты.
“Новый Век “Телерадиокомпаниясы” АҚ-ның Қазақстан Республикасындағы өкілдігінің басшысы, Астана қаласы ҚХА Журналистер клубының төрайымы Аделия Тухбатова блогерліктің журналистиканың жаңа форматы ретінде, атап айтқанда, этносаралық қатынастар саласында түсіндіру қызметін атқара алатынын атап өтті.
Әлеуметтік кәсіпкер, Green Tal әлеуметтік шеберханасының жетекшісі Эмин Әскеров жеке тәжірибесі, блог жүргізу құралдары туралы, ал Астана қаласы ішкі саясат басқармасы Достық үйі медиа орталығының басшысы Равиль Валеев елордалық ҚХА медиа Орталығының қызметі және этномәдени бірлестіктердің әлеуметтік желілері туралы айтып берді.
Кездесуде ақпараттық саясатты іске асыру перспективалары, әлеуметтік желілердегі қызметтің қазіргі заманғы технологияларының ерекшеліктері, сондай-ақ бейбітшілік пен келісім идеяларын насихаттау жөніндегі одан арғы жоспарлар талқыланды.
