ДОСТЫҚ ҮЙІНДЕ «МӘМІЛЕ» ҚАЗАҚ ТІЛІ КЛУБЫНЫҢ КЕЗЕКТІ ОТЫРЫСЫ ӨТТІ

Астана қаласының Достық үйінде «Мәміле» қазақ тілі клубының кезекті отырысы өтті. Достық үйінде ашылғанына 3 жыл болған Клуб өте маңызды, оның тақырыбының ауқымы да кеңеюде.

Клуб жұмысына елордалық этномәдени орталықтардың, аға буынның өкілдері қатысты.

Алдыңғы кездесулерде «Мәміле» қазақ тілі клубының қатысушылары қазақ халқының мәдениеті, дәстүрлері мен ұлттық құндылықтары туралы айтып берді.

Бұл жолы “Мәміле” қазақ тілі клубының күн тәртібіндегі тақырып – «Біз әр түрліміз, бірақ бірдейміз». Достық үйінің басты идиологемасы елдің бай этникалық палитрасын көрсете отырып, Тәуелсіз Қазақстан халқының бірлігін көрсетеді. Достық үйінің күнделікті жан-жақты жұмысы осының дәлелі.

Астана қаласы әкімдігі тілдерді дамыту басқармасының «Руханият орталығы» ММ оқытушылары жыл сайын қазақ тілін үйренгісі келетіндердің саны артып келе жатқанын және бүгінде елордадағы Достық үйі этностар достығының ортақ үйі болып табылатынын атап өтті. Бұл сабақты қазақ тілін үйренуге қызығушылық танытқан түрлі ұлт өкілдері жылы қабылдады.